Şəhla Vəzirova İctimai TV-nin canlı efirində

“Huma Quşu” Təhsilə Yardım Fondunun prezidenti Şəhla Vəzirova İctimai TV-nin "Sabahın xeyir, Azərbaycan" verilişinin qonağı olub. Şəhla xanım canlı yayımda dekabrın 7-də Beynəlxalq Muğam Mərkəzində baş tutacaq “Huma Quşu: xeyirxahlıq və cəsarət bələdçisi" adlı xeyriyyə axşamı haqqında ətraflı məlumat verib. Qeyd edilib ki, tədbirdə tanınmış caz ustası Salman Qəmbərov və Bakustic Jazz qrupunun, eləcə də xüsusi qonaqlar İlhamə Qasımova və Rövşən Qəhrəmanovun ifasında zəngin konsert proqramı nümayiş olunacaq. Eyni zamanda rəsm əsərlərindən ibarət sərgi keçiriləcək və hər rəsm əsərinin satışından əldə edilən vəsaitin 25 faizi Huma Quşu Təhsilə Yardım Fonduna ianə olunacaq.

Şəhla xanım fondun iki illik fəaliyyəti, layihə və proqramları, aztəminatlı ailələrdən olan gənclərin təhsil imkanlarının artırılması, fonda ainə və müraciət qaydaları, xeyriyyəçiliyin, xeyriyyə tədbirlərinin əhəmiyyəti və s. barədə də izləyicilərə məlumat verib.

Verilişi youtube kanalımızdan izləyə bilərsiniz: https://youtu.be/v93u3VepzAs